 |
| A casā | Manuscrisli | Altsā ti noi | Pārāvulia a voastrā | Ntribats-nā | Culturā | Hābāri | Lincuri |
| Pārāvulia a voastrā - SIDIROKASTRO - DIMERSER Sidirokastro (Dimerser pi limba armāneascā) iaste un njic cāsāba tu Gartsia di nord 98 km din Sārune (Thessaloniki), 25 km di Sear (Serres) shi 18 km di granitsā di Vārgārii. Are 10.600 popul. Shi iaste capitalā di provintsia Sintiki. Amvirliga di Sidirokastro sent muntili di Vrondu shi di Angistro . Tu partea ascāpitatā di Sidirokastro treatse ariu Strimon . Sidirokastro iaste un veclju cāsāba adratu tu chirolu Bizantinu la anlu 800 dupu Cristolu. Di la anlu 1383. pine anlu 1912. era cālcat di Turtse shi numa a lui era Demir Hisar. La anlu 1913. trecu Sidirokastro tu Gartsia . Arminje tsi beneadze aze tu Sidirokastro sent Gramusteanje tsi vinire di cāsāba Gramustea shi amvirliga di ia , andā s-asparse di Ali Pasha . Tu cāsāba Sidirokastro beneadze vere 400 Arminje, la anlu 1989. adrare Sutsata armāneascā ta sā s-tsene adetsili shi cultura armāneascā . Aze are shi un njicu Muzeulu armānescu. Sidirokastro are multi mushuteatsili , biseritsi shi monasteri, un veclju castru Bizantinu analt pi munti cu numā Isari shi multi alti . Apropea di Sidirokastro (10 km) iaste Baltu Kerkini (Biotop) cu multi turlii di Puili shi Peshtse. Amvirliga di Sidirokastro are multi hoarili iu beneadze Arminje: Irakleia , Petritsi , Ano Porosa , Cristos. Tu Sidirokastro shi tu alti hoarili di prefectura di Sear vinire mults Arminje andā s-asparsere cāsābadz armāneashti tu Epiru shi tu Gramu. Vinire Grammusteanje di Gramustea, Avdheliatsie di Avdhela (tu provintsia Grevena), Nivesteanje di Niveasta (tu provintsia Florina) Bajsotsje di Baja (tu provintsia Ianina) shi Kokinoplitsie di hoara Kokkinoplos tu Olimpu. Tu tute prefectura di Serres beneadze vere 5.000 7.000 Arminje, are 4 sutsati armāneashti tu Seres, Sidirokastro, Neo Petritsi shi Ano Poroia. Cathi anlu 29. Tsirushiaru, dzua di Apostoli Petru shi Pavlu s-fatse mari cimbushi armānescu tu munti Lailias, aclo iu era veclja hoara armāneascā cu numa Calivia . S-adune mults Arminje di tuti hoarili . Nai ma mari cimbushi s-face tu idiu locu, la munti Lailias, cathi anlu 15. Augustu , dzua di Stimarii . Ashi s-tsenu pine aze cultura armāneascā , adetsili shi cāntitsi armāneashti Arminje nu u s-chiare vere oare Dinca Zicu |    |
| Design by FCP | Modified by Dragos | Powered by SCD LUNJINA | XHTML 1.0 | CSS 2.0 |